Կառուցել մեր երազի երկիրը
Մեր համայնքների ապագան կերտվում է այստեղ և հիմա։ Գործելով Ստեփանավան խոշորացված համայնքի սրտում՝ «Աղավնի» հասարակական կազմակերպությունը հանդիսանում է ամուր կամուրջ տեղական ներուժի, ներդրումների և զարգացման լայն հնարավորությունների միջև։
Մեր համոզմունքն հստակ է․ Ստեփանավանը, որպես տեղական կենտրոն, առանցքային դերակատարում ունի հարակից գյուղական բնակավայրերի վերածննդի գործում։ Մեր առանցքային ուղղություններն են զբոսաշրջության ակտիվացումը, բարեգործությունը և ներդրումների ներգրավումը, որոնց միջոցով իրականացնում ենք տարածաշրջանի կայուն զարգացմանն ուղղված ծրագրեր։
Հիմնադրված լինելով 2009 թվականին Արցախի Շուշի քաղաքում՝ «Աղավնի» ՀԿ-ն իր ստեղծման առաջին իսկ օրվանից տանում է նույն վեհ առաքելությունը՝ ակտիվորեն մասնակցել մեր երազանքների Հայաստանի կերտմանը։
Միացե՛ք մեզ, և եկե՛ք միասին կառուցենք մեր երազած երկիրը։